IK4-Azterlanek aktiboki parte hartu due Durangoko Udaletik eta Bizkaiko Foru Aldunditik koordinatu den ekimen europar honetan. Aurtengo gaia burdinaren kulturari zuzendua egon da.
IK4-Azterlan Metalurgia Ikerketa Zentruaren inplikazioak, hurrengo bi ekimenak martxan jartzea ahalbidetu du.
Durangaldeko eskualdean burdinaren transformazio-industriak izandako garapenarekin zuzenean erlazionatuta, “Industria metal-mekanikoaren iragana, oraina eta geroa” hitzaldia izan da lehen ekimena eta Urriaren 8a eta 22a bitartean gauzatu zen IK4-Azterlan Metalurgia Ikerketa Zentruak dituen instalazioetan.
Hitzaldi ostean zentru teknologikoaren instalazioak ezagutzeko bisita gidatuak egon ziren, metalurgian eta material metalikoen transformaziorako teknologia ezberdinetan europar erreferentea dena.
Bigarren ekimena Urriaren 31n burutu zen Durangoko Santa Ana plazan, udalerriaren iragan historikoarekin eta kanpai baten galdaketa prozesuarekin erlazionatutako ekintza programa nabari batekin.
Belen Bengoetxea eta Teresa Camposen eskutik, Santa Ana plazako indusketa arkeologikoak zuzendu zituzten arduradunak hain zuzen ere, erdi aroaren bukaeran kokatzen diren zenbait aurkikuntza eman ziren ezagutzera. Besteak beste “Durango hiribildu oparoa eta Bizkaiko herrigune garrantzitsuenetako bat zela eta oihalgintzan eta burdinaren transformazioan nabarmentzen zen komertzio eta artisautza une goren batean zegoela” baieztatu zen.
Santa Ana elizaren ondoan “Feliciana izeneko” kanpaia galdatzeko erabili zen moldearen eta labearen zati batzuen aurkikuntzak, gaur egungo teknologien bitartez bere diseinua eta fabrikazioa berregitea ahalbidetu die IK4-Azterlan zentruko teknikariei.
Jardunaldian galdaketa teknologiaren inguruko gako eta berezitasun batzuk ere eman ziren ezagutzera, ekoizpen prozesuak, erabilitako materialak, baita kanpaigileen antzinako ohiturak ere.
Aipamen berezia egin behar zaio Durangoko Udaleko Turismo Saileko teknikarien konpromesu eta inplikazioari eta baita galdaketa sektoreari lotuta dauden empresen parte-hartzeari. Hauen artean aurkitzen dira Foseco Española S.A., Tabira Galdaketa Institutua, Telur Geotermia y Agua S.A. eta IK4-Azterlan bera.
