ALPRE elkarlaneko ikerketa proiektuaren barnean kokatua, “Retos de Colaboración” (RTC-2015-3822-4 Erreferentzia) izeneko deialdiaren baitan Ekonomia eta Lehiakortasun Ministerioak finantzatu duen proiektu honetan, emaitza esperimentalen eta solidifikazio prozesuko simulazioaren arteko korrelazio bat burutu da.
Aluminiozko aleazioetan presio bajuko teknologia aplikatuta fabrikaturiko hagun eta mangeta eramaileen mikroegiturek aldaketak jasaten dituzte pieza berean eremu batetik bestera, fenomeno hau gertatzearen faktore aipagarrienak ondoko hauek izanik:
- Piezaren geometria
- Solidifikazio erregimena (moldearen hozketa, solidifikazio denbora, aleazioaren tenperatura, …)
- Alearen finketa eta modifikazio gradua
Pieza errealetan izango den mikroegitura aurreikusteko helburuz modulu desberdinetako zilindroz osaturiko molde bat diseinatu da, non zilindroek piezak dituen lodiera desberdinen moduluak eta SDAS-ak (Secondary Dendritic Arm Spacing) osatzen dituen. Bestalde, metalaren aleen finketa eta modifikazio gradua IK4-AZTERLAN-en garatutako Thermolan®-Al analisi termikoaren bitartez burutu dira. Erantsitako irudian argi ikus daiteke zilindroen solidifikazio kurbetan modulu termikoaren eragina eta aleen finketan duen efektua.
Irudia 1. Zilindro bakoitzari dagokion metalaren hozketa kurba eta moldearen diseinua ale tamainaren garapena ikertzeko
Irudia 2. Alearen tamaina modulu baju eta altueneko zilindroetan
Honetaz gain, esperimentuetan jasotako konposizio aldaketek eta aleen finketa eta modifikatu desberdinek, parametro hauen efektuaren modelizazioa ahalbidetu dute. Proiektua garatutako modeloa urte honetan zehar fabrikatuko diren hagun eta mangeta eramaileetan baliotatuta amaitutzat emango da.
