RIB-ON proiektuan hegazkin osagarriak egiteko zuzenduta dauden beroko estanpazio trokelak eraikitzeko erabiltzen diren material berriak lantzen ari dira

RIB-ON proiektuaren baitan, Clean Sky 2 programaren baitan kokatzen dena, BATZ enpresa eta AZTERLAN Metalurgia Ikerketa Zentroa trokel kontzeptu berriak garatzen ari dira hegazkingintza sektorerako errendimendu altuko aluminiozko osagarrien serie laburrak eta prototipoak fabrikatzeko.

Hegazkingintza sektorearen jasangarritasuna bultzatzeko osagarri eta fabrikazio prozesu aurreratuak garatzeko estrategiaren baitan, RIB-ON proiektua luzera eta forma desberdinetako wing rib-en beroko estanpaziorako trokel modular berritzailea garatzen dihardu.

Serie laburren eta prototipoen sorrerara bideratuta dagoen lanabesa izango denez, RIB-ON proiektuak paradigma berritzailea planteatzen du beroko estanpazioko lanabesen garapenaren alorrean non, Garikoitz Artola doktorearen hitzetan, AZTERLANeko ikerlaria eta proiektuaren koordinatzailea, “beroan lan egiteko ohiko altzairuen ordezko alternatibak esploratzea justifikatzen duten baldintzak ematen diren”.

Beroko estanpazioko teknologietan, lanabesak garatzeko ohiko hurbilketa egitean hozte, zailtasun eta higiduraren aurreko erresistenziaren arteko oreka bilatzen da. Hoztea beharrezkoa da produkzio kadentzia altuak lortzeko trokelaren azaleraren gainazala nahi den tenperaturan manten dadin. Nola hoztea barne hozte-kanalen bitartez lortzen den, zailtasuna oinarrizko ezaugarria da horietan arrakalak ekiditeko, izan ere, tentsio kontzentratzaile lez jarduten dute. Azkenik, higiduraren aurreko erresistentzia konformatu lanabesei eskatzen zaien ezaugarri orokorra da azken produktuaren geometria tolerantzien baitan mantentzeko. Testuinguru honetan, beroan lan egiteko altzairuak izaten dira beroko estanpazioko industriaren lehen aukera.

Hala ere, “serie laburren eta prototipoen fabrikazioari dagozkien berezko kadentziak baxuak dira eta hauek hozketa sistema erreztu eta hozte-kanalak kentzeko ekiditzeko aukera eskaintzen dute. Elementuok ekuaziotik desagertzerakoan, zailtasun eskaera asko jaisten da”. Elementuok ekuaziotik desagertzerakoan, zailtasun eskaera asko jaisten da”. RIB-ONen lan baldintzak hauek izanik, berezitasun honek materialen aukeraketa esparrua zabaltzen du, “besteak beste, hotzean lan egiteko altzairuak zein burdinurtu-harikorrak ere kontuan izan ditzakegu”.

Honela, BATZek eta metalurgian berezituta dagoen AZTERLAN Zentro Teknologikoak ikerketa konparatiboa egin dute aluminioaren beroko estanpazioko paradigma desberdinetan erabiltzeko erreminta-material egokia aukeratzeko. Ikerketa honek termikoki trata daitezkeen bi aluminio aleazio familia (2XXX eta 6XXX) eta 3 erreminta-material familia (beroan lan egiteko altzairuak, hotzean lan egiteko altzairuak eta galda nodular perlitikoa) aztertzen ditu, baita 3 operazio-tenperatura ere.

Higidura laginak aztertutako hainbat aleazioetan, tenperatura desberdinetan

CHS2 Kongresuan parte hartzea

Ikerketaren emaitzak CHS2 kongresuan aurkeztuko dira. Kongresu hau erreferentea da beroko estanpazioko teknologien esparruan. Bartzelonan egingo da 2021eko ekainean eta aukera ezin hobea eskainiko du RIB-Onen lantaldeak lanabes-materialak aukeratzeko garatu dituen kriterioak partekatzeko.

RIB-ON proiektua Clean Sky2 Iniziatiba Bateratuaren baitan diruz lagundutakoa da, Horizon 2020 ikerketa eta garapen programaren baitan 755793 zenbakidun laguntza-akordioan.