Durangaldeko airearen kalitatearen kontrola

Gaur, Durangaldean kalean egindako airearen kalitatea kontrolatzeko kanpainen emaitzak aurkeztu nahi ditugu:

Aste Berdearekin eta Mugikortasun Iraunkorraren Europako Astearekin bat eginez, Azterlan erakundeak “Airearen kalitateari buruzko komunikazio- eta sentsibilizazio-kanpaina” egin du Durangaldean, herritarrei airearen kalitatearekin eta jasangarritasunarekin lotutako alderdiei buruzko informazioa emateko. Aldi berean, airearen kalitatea kontrolatzeko kanpainak egin dira kalean bertan, eta ateratako ondorio nagusiak honako hauek dira.

Eusko Jaurlaritzako Ingurumen, Lurralde Plangintza eta Arrantza Sailak deitutako ingurumen arloko hezkuntza, informazio, parte-hartze, prestakuntza, boluntariotza eta sentsibilizazio jardueretarako laguntzen esparruan diruz lagundu da jarduera.

Kontrol-kanpaina horien helburua Durangaldeko kaleetako airearen kalitatea ezagutzea da. Azterketa egiteko aukeratu diren kontrol-lekuak Ezkurdi plaza, jende asko biltzen den gunea, eta Landako eskola izan dira, hirigunetik apur bat urrun dagoena, baina trafiko handia duena. Bi puntu horiek Durangon daude, jarduera ekonomiko eta soziala biltzen den udalerrian, eskualde-burua baita.

Aztertutako eremua trafikoa kutsatzen duen iturri nagusia den hiriguneetara mugatzen denez, hautatutako kontrol-parametroak honako hauek dira:

• Material partikulatua: PM10, PM2,5 eta PM1.

• Nitrogeno oxidoak: NO eta NO2.

• Parametro meteorologikoak.

Jarraian, 2 kontrol-eremuetarako ateratako ondorio nagusiak aurkezten dira:

EZKURDI

Ibilgailuen trafikoa da eremuko kutsadura-iturri nagusietako bat, baina ez da airearen kalitatean eragina duen iturri bakarra. Eguneko unerik sentikorrena goizetan gertatzen da, baina inola ere ez dira gainditzen indarrean dagoen legeriak ezarritako muga-balioak, nahiz eta PM10 eta PM2,5 material partikulatuarentzako batez besteko kontzentrazio-mailak Osasunaren Mundu Erakundeak zehaztutako gida-balioetara hurbiltzen diren.

Egindako kontrol-kanpainan airearen kalitatea ONA dela ondoriozta daiteke.

LANDAKO

Ezkurdin bezala, ibilgailuen trafikoa zonaldeko kutsadura-iturri nagusietako bat da, baina ez da airearen kalitatean eragina duen iturri bakarra. Eguneko unerik sentikorrena goizetan gertatzen da, eta, beraz, nitrogeno dioxidoaren (NO2) hiru ordu gainditzen dira kontrol-astean. Ildo horretan, badirudi Eusko Jaurlaritzak San Roken duen estazioak ezin duela eremuaren egoera kontrolatu, adierazle horretarako maila baxuagoak baititu.

Material partikulatuari dagokionez, ez dira legedian jasotako balioak gainditzen, nahiz eta asteko PM10 partikulen batez bestekoak OMEk ezarritako urteko gida-balioa gainditzen duen. Eremu honetan material partikulatuaren frakzio ultrafinoaren (PM1) maila bereziki handia da, neurri handi batean jasaten duen trafiko-dentsitatea dela eta.

Egindako kontrol-kanpainan airearen kalitatea NEURRIZKOA dela ondoriozta daiteke.