Materialen B+G funtsezko giltza da gizarte eta industria garapenerako. Materialen muga ezagunak gainditzeak, eskaintzen dituzten prestazioak hobetzea, alor desberdinetarako erronkei aurre egitea ahalbidetzen du, hala nola, produktibitatea hotzea, baliabideen optimizazioa, aplikazio eremu berriak zabaltzea.
Material metalikoen alorrean, ezaugarri aurreratuak dituzten aleazio berrien garapenak materialen eta hauen ezaugarrien ezagutza zabala, hauen fabrikazio eta eraldatze prozesuen ezagutza, eta industria erabiltzaile eta aplikazio helburuen erronka eta beharren ulermena eskatzen ditu.
Metodo zientifiko eta industriala konbinatuta, SUMA metodologiak (Superior Materials), AZTERLANek garatutakoa, ad-hoc aleazio aurreratu berriak sortzeko aukera eskaintzen du, aplikazio bakoitzerako hobetu nahi diren propietate espezifkoetan indarra eginda.
Osagai edo materialen erabilera bizitza eta haustura moduak baldintzatzen dituzten eskakizunen eta problematiken azterketa zabalak zerbitzuan erantzun hobea izateko indartu beharreko ezaugarriak identifikatzea ahalbidetzen du.
Hobetu nahi diren propietateen atzean dauden mekanismo mikroestrukturalen interpretazioak (beroaren, korrozioaren, nekearen… aurreko erresistentzia), merkatuko material ezagunen indargune eta ahulguneen analisiarekin batera, diseinu prozesurako gako nagusiak eskaintzen ditu.
Simulazio termozinetiko eta termokikoko bitartekoen laguntzarekin helburu-aleazioen balizko konposizio kimikoak definitzen dira (aleazioko elementu berriak txertatuta edo/ eta aleazio ezagunetan dauden elementuen mailak aldauta).
Erabilitako simulazio gailuek materialen balizko jokamoldea erakusten dute solidifikazio tarteak edota faseen agerkuntza bezalako aspektuak identifikatuta.
Produkzio-prozesua piezen solidotzearekin eta betetzearekin lotutako akatsak hautematera bideratutako simulazio- eta modelizazio-tresnen bidez ere definitzen da.
Fase honetan tratamendu termikoak, kriogenikoak eta/edo faseen transformaziokoak diseinatzen dira, materialetan/osagaietan azken ezaugarri makro eta mikro estruktural espezifikoak lortzeko.
Diseinatutako materialak galdaketa-instalazio pilotuan fabrikatzen dira, zehaztutako fabrikazio-baldintza egokietan.
Horretarako, AZTERLANek burdinazko eta burdinazkoak ez diren materialak fusionatzeko, moldeak garatzeko, tratamendu termikoak aplikatzeko eta lotutako beste prozesu batzuetarako, hala nola metalezko hautsak garatzeko eta aplikatzeko, erabat hornitutako azpiegitura erdi-industrialak ditu.
AZTERLANek enpresei laguntzen die fabrikazio-prozesua doitzen eta egokitzen, material berri horien bidez beren produktuen fabrikazio industriala modu sendoan egiten dela ziurtatzeko.
Urrats horretan, funtsezko rola dute kontrol-eredu prediktiboek eta fabrikazio-prozesuaren monitorizazio prediktiboko tresnek.
