PASAPORTE DIGITALA – Osagaien banakako fabrikazio datuetara sarrera
Sistema de control predictivo por inteligencia artificial.
Predicción de la calidad del proceso de fabricación de componentes metálicos.
Pasaporte Digitala osagai bakoitzaren historia bakarra da zeinak osagarriaren fabrikazio-prozesuaren trazabilitate osoa jasotzen duen, galdaketa-prozesuaren faseetan bildutako metrikak ikusteko aukera eskainita. Pieza bakoitzaren gainazalean grabatutako ID kode bakar batek “fitxa” honetan erregistratutako datuamkontsultatzera sartzeko aukera ematen du, bistaratze sistema bateragarri baten bidez.
Pasaporte Digitala, nagusiki, osagaien kalitate kontrol sendoagoa eskaintzera zuzentzen da. Hala ere, kontrol-datuak ustiatzeko beste ate batzuk irekintzen ditu, prozesuaren beraren eraginkortasuna optimizatzeko, osagaien barne-osasuna eta kalitatea ziurtatzeko zein piezen fabrikazio-historiarekin lotutako bestelako jarraipenak egiteko.
Funtzionamendua
Moldeen inprimazioaren bidez, identifikazio-kode edo -elementu bakar bat sortzen da pieza bakoitzarentzako, gainazalean ikusgarri geratuko dena.
Identifikazio-elementu horren ordez, etiketa bat edo azalera grabatzeko beste sistema batzuk erabil daitezke, osagai bakoitzari sinbolo edo kode bakar bat esleitu ahal izateko eta bateragarriak diren irakurgailuen bitartez irakurri ahal izateko.
Smartphone batean instalatutako app baten edo barra-kodeen edo QRen irakurgailu baten bidez, irudi prozesadore batek pieza bakoitzaren historia bakarrera sartzeko aukera ematen du.
Pasaporte digitalak fabrikazio prozesuaren faseetan zehar kontrolatu eta biltegiratutako parametro guztiak jasotzen ditu.
Biltegiratutako datuen artean oinarrizko datu batzuk azpimarra daitezke, hala nola: fabrikazio data, galdaketaren identifikazioa, konposizio kimikoa, inokulazio prozesuak, analisi termikoaren emaitzak, eta abar. Halaber, espezifikoagoak diren beste batzuk ere izan daitezke, esaterako: piezak moldean duen kokapen zehatza, moldearen ezaugarriak, karbono aztarna edota fabrikazio prozesuan izandako gertaerak (geldialdiak, arazoak, iraupena…).
- Datuen estandarizazioa: Datuak hizkuntza bakar batean aurkeztu behar dira, sistemek irakurri eta interpretatu ahal izateko.
- Biltegiratze eta erregistro partekaturako gaitasun handia.
- Biltegiratze- eta konexio-sistemaren segurtasuna: Segurtasun-estandarrak, batez ere, erregistratutako informazioaren osotasuna eta baimenik ez duten eragileek informazio hori ez aldatzea ziurtatzera bideratuta daude.
- Sarbide orokorra: Historian eskuragarri dauden datuak irisgarriak eta kontsultagarriak izan behar dira, horretarako ezarritako tresnen eta sarbideen bidez.
Garapen aukerak
Pasaporte Digitalaren aplikazio aurreratuak
Kontrol-prozesuetan antzemandako pieza akastunen analisiak kausa-efektu erlazioak ezartzeko gako garrantzitsuak eskain ditzake.
Era berean, balio handiko informazioa da, plantaren kontrol-sistema berrelikatzeko, etengabeko ikaskuntza eta galdaketa-prozesua optimizatzera bideratutako Kontrol Eredu Prediktiboen garapena bultzatuz.
Kontrolak piezen % 100ari egiten ez zaizkien kasuetan, pasaporte digitalak akatsak izan ditzaketen piezen identifikazioa errazten du, baztertutako osagaiekin arrisku-baldintzak partekatzen dituztelako.
Filosofia bera aplika dakieke zerbitzuan izandako akats baten azterketak fabrikazio prozesua sorburutzat jotzen duen kasuetan.
Ekipamenduen eta osagaien balio-bizitzaren amaiera iristen denean, osagarrien konposizio kimiko zehatza ezagutzea, baita egin zaizkien beste material batzuen gehikuntza ere, bai babeserako azalean jalkitako geruzak bai multaketa lanetan gehitutako materialak (esaterako, soldadura prozesuan), balio handiko informazaioa da kasu bakoitzerako egokiena den berreskuratze- eta/edo berrerabiltze-bideak aukeratzeko.
Osagaiaren fitxa ere zerbitzuan izandako jokaera eta eboluzioa ere fitxan gehitu daitezkeen informazioak dira. Datu horiek fabrikazio eta jokabide ezaugarriak erlazionatzeko balio handikoak izan daitezke.
Ezagutza metalurgiko sakon baten eskutik, 4.0 industria, datuak kudeatzeko sistema aurreratuak eta machine learning-a osagarriak fabrikatzeko modua eraldatzeko etorri dira”.
