Material Magnetikoak
Building intelligence into metallic parts manufacturing
Propietate magnetikoek eremu magnetiko baten aurrean materialen erantzuna definitzen dute. Hori dela eta, aplikazio eta sektore ugaritan erabiltzeko orduan kontuan hartu beharreko funtsezko ezaugarria dira, besteak beste, horren ardierazgarri dira ibilgailu elektrikoa, gailu elektronikoak, sorgailu elektrikoak edo osasun alorreko ekipoak.
Materialen propietate magnetikoengan eragina duten mekanismoak ulertzeak eta hauek egokitzeko zein doitzeko gaitasunak, beste propietate batzuekin konbinatuta (pisu-arintzea, higadurarekiko eta/edo korrosioarekiko erresistentzia, propietate mekanikoak…), material metalikoentzako garapen- eta aplikazio-eremu garrantzitsuak irekitzen ditu.
AZTERLANek materialen propietate magnetikoen ikerkuntza eta doikuntza lantzen ditu, hainbat industrien beharretara eta erabilera-kasuetara egokitzeko. Horretarako, hainbat alderditan jarduten du, hala nola, konposizio kimikoan edo egitura-ezaugarrietan eraginez, bai eta propietate magnetikoak modulatzen dituzten berariazko tratamenduak eta prozesuak landuz ere.
Automobil elektrikoaren industria goraka doan azpisektorea da, eta datozen urteetan ere hazten jarraituko du. Gero eta efizienteagoak diren propultsio elektrikoko automobilak fabrikatzeko galera magnetiko gutxiko materialen garapena eskatzen du industria honek.
- Materiala ezaugarritzea
- Azterketa kimiko-metalografikoa
- Prozesuaren aldaketak galera magnetikoak murrizteko - iragazkortasun magnetikoa handitzeko
Propietate magnetiko bigunak dituzten altzairuak behar dira (galera magnetiko txikiak, iragazkortasun magnetiko handia) goi-tentsioko kableen pantailatzea lortzeko, akoplamendu magnetikoak saihesteko.
- Materiala ezaugarritzea
- Azterketa kimiko-metalografikoa
- Prozesuaren aldaketak galera magnetikoak murrizteko - iragazkortasun magnetikoa handitzeko
Propultsio-sistema elektrikoen funtzionamendua iman iraunkorretan oinarritzen da. Neodimioa lortzeko zailtasun geografikoek, motor elektrikoak fabrikatzeko gehien erabiltzen diren iman iraunkorrak (NdFeB) ekoizteko oinarrizkoa den materiala, hau ordezka dezaketen beste material batzuk bilatzea sustatzen dute.
- Iman iraunkor gisa erabil daitezkeen materialak formulatzea
- Materialen ekoizpena instalazio pilotuan
- Propietate magnetikoak doitzeko tratamendu termikoak diseinatzea eta gauzatzea
- Karakterizazio magnetikoa
AZTERLANek material magnetikoen propietate magnetikoak ezaugarritzeko gaitasunak ditu:
- MPG 200D Brockhaus magnetometroa, 52 A-ko gehieneko korrontean eta 100 V-ko gehieneko tentsioan lan egin dezakeena. Gehienezko 2 T-rainoko polarizazio magnetikoko neurketak egitea ahalbidetzen du.
- Double C Yoke detekzio-sentsorea: 31 mm arteko zabalerako xaflen korronte jarraituko neurketak. Hmax = 55000 A/m. IEC-60404-4 arauaren araberako neurketak ahalbidetzen ditu.
- Epsteinen Marko Detekzio-sentsorea: korronte zuzeneko eta korronte alternoko neurketak, lagin bereko xafletan (gutxienez 4). Luzera bera izan behar dute (280mm). IEC-60404-2 arauaren araberako neurketak ahalbidetzen ditu.
- Single Sheet Tester detekzio-sentsorea: korronte zuzeneko eta 30 mm-ko zabalerako xaflen korronte alternoko neurketak. Hmax = 55000 A/m, bai DCn bai ACn. IEC-60404-3 arauaren araberako neurketak ahalbidetzen ditu.
AZTERLANek material metalikoen eta horien propietateen (saiakuntza suntsitzaileak eta ez-suntsitzaileak) karakterizazio osoa egiteko gaitasun eta laborategi erabat hornituak ere baditu, baita material berriak galdatzeko eta tratamendu termikoak eta kriogenikoak egiteko gaitasunak ere.
