Galdaketa prozesuak. Artetik zientziara

Osagai urtuen fabrikazioa prozesu konplexua da, aldagai ugari biltzen dituena. Horrez gain, zehaztutako eskakizunak betetzen dituen osagai bat lortzeko, beharrezkoa da funtzionamenduan jartzea eragotz dezaketen akatsak sortzea saihestea. Akatsek osagaiaren funtzionaltasuna baliogabetu dezakete.

Oro har, galdaketaren munduan, urtutako piezen errefusa ehunekotan neurtzen da. Horrek azken bezeroari aproposa ez den osagai bat bidaltzeko arriskua dakar. Zoritxarrez, gaur egun, errefusa ehunekotan neurtzen denez, arazoa beste modu batean aztertu behar da, eta, osagai perfektuak sortzeko helburuarekin, Smart Manufacturing bezalako tresnak, biki digitalak eta auditore iraunkorren teknikak sortu behar dira, besteak beste.

Lan honek erakusten du nola den posible barneko eta kanpoko errefusa tasa izugarri murriztea adimen artifizialeko teknikak aplikatuz, ezagutza aditua, datu-bilketa eta iragarpen-tresnak konbinatuz eta biki digital baten bitartez kudeatuz. Ekosistema horrek guztiak eskakizunak betetzen ez dituzten moldeak identifikatuko ditu produkzio-lerroan, desbideratzeak saihestuz eta, azkenik, bezeroen kexak nabarmen murriztuz.