Galda-osagarrien kontrol eta kalitate-iragarpen sistemen eboluzioa analisi termikoaren bidez

Galdaketan ohikoa den arazoetako bat da metalaren konposizio kimiko berarekin edo oso antzekoarekin emaitza desberdinak lor daitezkeela piezen kalitateari dagokionez. Akats metalurgikoen agerpena, hala nola, mikro-hurrupadurak, karburoen prezipitazioa eta/edo malformazio grafitikoak, hainbat kalitate metalurgikoren ondorio izan daitezke. Hortik sortu zen metal likidoaren propietateak kontrolatzeko beharra, analisi termikoko tresnak erabiliz.

Solidotze-kurbaren forma aztertzean, kalitate metalurgikoa karakteriza daiteke, eta kontzeptu abstraktu hori parametrizatzeko moduan gaude; horrela, zenbakizko balio batzuen bidez adieraz daiteke kalitate metalurgikoa era argi eta neurgarrian.

Analisi termikoaren aukerak galdaketa mota bakoitzerako

Analisi termikoa prozesuaren kontrol metalurgikorako sistema gisa erabil daiteke. Horrela sortu zen, hain zuzen, AZTERLANek garatutako Thermolan® sistema, solidotze-kurbatik lortutako aldagai desberdinen arabera metalurgiaren kalitatea definitzeko beharrari erantzunez, hala nola: bere balio bereizgarriak, hozte-abiadurak eta askatutako energia, solidotzearen une bakoitzean sortutako grafito eta austenita kantitatea neurtuz, kontrakzio-espantsio balantzeari erantzuteaz gain.

Analisi termikoaren lehen aplikazio praktikoa galdategi-mota guztietarako karbono-edukia identifikatzea da. Horri esker, galda-osagarrien elementu garrantzitsuenetako bat azkar eta modu fidagarrian kontrola daiteke.

Galdaketa esferoidalerako, analisi termikoak aukera ematen du:

• Esferoideen dentsitatea aurreikusteko.
• Aleazioak uzkurtze-akatsak izateko duen joera irudikatzea, Thermolan ® -ek Self Feeding factor parametroaren bidez egiten duena.
• Karburoak eta alderantzizko tenplaketa agertzeko arriskua aurreikustea.

Kalitate metalurgikoa definitzen duten parametro horiez gain, beste aplikazio batzuk ere baditugu, hala nola:

• Nodularitatea kontrolatzea metal likidoak duen magnesio askearen kontrolaren bidez
• Mikroegitura iragartzea, solido-solido transformazioan ferrita/perlita ratioa definituz.

Galdaketa griserako, Thermolan® sistemak metalurgiaren kalitatea aurreikusten du, A motako grafitoen ehunekoa, grafitoen tamaina eta uzkurtze-akatsak izateko arriskua adierazten duen K parametroa neurtuz. Beste aplikazio batzuk ere lortzen dira, hala nola mikroegituraren eta propietate mekanikoen iragarpena.

Grafito trinkodun galdaketarako (Compact Graphite Iron ingelesezko siglengatik CGI izenez da ezaguna), esferoidizazio-indizea aurreikustea ahalbidetzen duen teknika espezifiko bat garatu da.

Analisi termikoak piezan iragartzeko azken aurrerapenak egiten ditu. Metalaren solidotze-kurba pieza jakin bati aplikatuta, eta haren eremu kritikoetako modulu termikoak sisteman sartuta, eremu jakin horietara estrapolatutako emaitzak lortzen dira.

Aurreko garapenetik ondorio hauek atera ditzakegu:

• Analisi termikoa metal likidoa kontrolatzeko tresna baliagarria da
• Hainbat aplikazio lor ditzakegu:
  – Kalitate metalurgikoaren definizioa zenbakizko aldagaien bidez
  – Nodularitatearen kontrola
  – Mikroegituraren kontrola
• Bere potentzial guztia aprobetxatzeko beharra
• Emaitzak piezara estrapolatzeko aukera
• Etengabe eboluzionatzen eta garatzen ari den tresna da
  Hainbat galdategitan aplika daiteke