TRATER DAY – Tratamendu Termikoko Forum Teknikoaren VI. edizioa aurrez aurreko formatuan egingo da urriaren 17an. Bilkura AZTERLAN Metalurgia Ikerketa Zentroaren instalazioetan iznago da.
AZTERLANek eta TABIRA Galdaketa Institutuak, TRATER PRESSen laguntzarekin, erreferentziazko ekitaldi tekniko honen edizio berri bat antolatu dute tratamendu termikoaren sektorerako eta haren balio-katearentzako. 2023ko urrian berriro bilduko da AZTERLANen instalazioetan (Durango).
Topaketa tekniko honen helburu nagusia da tratamendu termikoaren sektoreko balio-katean parte hartzen duten enpresen posizio teknologikoa eta lehiakortasuna hobetzea, alor horretako azken garapenetatik datozen berrikuntza teknologikoak aurkeztuz. Jardunaldi hau tratamendu termikoaren industriaren hainbat arlotan (tenplaketa-teknologiak, gainazal-tratamenduak, karakterizazioa, neurketa, estaldurak…) espezializatutako profesional, teknikari eta ikerketa-taldeentzako topagunea izango da, sektoreko erreferentziazko enpresak zein tratamendu termikoak aplikatzen dituzten sektore estrategikoak (automozioa, eolikoa, trenbidea, aeronautika, galdaketa, besteak beste) elkartuz.
Topaketa tekniko horretan nazioarteko aditu ezagunek hartuko dute parte, besteak beste, ESI GROUP, MONOCROM, NIPPON GAS, GH INDUCTION, THE WFO eta OERLIKON BALZERS enpresa eta erakundeetako ordezkariak, bai eta AZTERLAN Metalurgia Ikerketa Zentrokoek ere.
Ekitaldiak TRATER PRESSen laguntza dauka, Media Partner gisa, eta ESI GROUPena Gold Sponsor gisa.
Ekitaldiaren agenda zehatza eta izena emateko aukerak hemen aurki ditzakezu: https://forosconocimiento.es/
