SUSPIRE proiektuak eskakizun energetiko altuko prozesuetako energia berreskuratzeko eta era efizientean berrerabiltzeko kudeaketa sistema aurreratua sortu du

SUSPIRE proiektuaren helburua da energia berreskuratzeko sistema integratua (ekipamendua eta teknologia) sortzea, mikrofusio alorreko PRECICAST BILBAO enpresan %20ko energia berreskurapena ahalbidetuko duena.

Kontsumo energetiko altuko prozesuetan energia kopuru handia galtzen da prozesuko pauso desberdinetan zehar. Arazo honi heltzeko, SUSPIRE proiektuaren nazioarteko lantaldeak energia berreskuratzeko sistema garatu du zeinak, fabrikazio prozesuarekin konbinatuta, bero korronteetako energia berreskuratuko duen eta egungo energia berreskurapen tasa hobetuko duen fase aldaketako materialen (PCM Phase Change Materials) eta transferentzia termikoko isurien (HTF Heat Transfer Fluids) bitartez.

Proiektuaren erakuslea PRECICAST BILBAO enpresan egingo da, non lantaldeak energia kontsumo globala %20 aurreztea espero duen. Aurrerago, proiektu honen emaitza energia kontsumo altua duten nazioarteko beste hainbat enpresatara zabaldu ahal izango da.

Egundaino lortutako aurrerapenen artean nabarmentzen da datu kudeaketa sistema baten sorrera fabrikazio prozesua eta kontsumo energetiko optimoa elkarrekin erlazionatzen dituena eta energiaren erabilera efizienteagoa burutzea ahalbidetuko duena. Fernando Santos IK4-AZTERLANeko ikerlariaren hitzetan, proiektuaren koordinatzaile teknikoa, “prozesuan gako diren aldagaiak eta erakusleak kontrolatzen dituen softwarea sortu dugu, zeinak energia efizientzia maila altuagoa lortzea ahalbidetzen digun fabrikazio prozesua edota produktuaren kalitatea kaltetu gabe”.

Proiektuaren lantaldeak tenperatura altuko bero trukatzaile bat sortu du transferentzia altuko gainazala duena energia berreskurapena hobetzeko; tenperatura baxuko trukatzailea ere sortu da PDM organiko batek lagundutako bufer energetiko bezala funtzionatuko duena, energia trukea eta energia eskaera egokituko dituena. Horrez gain, energia termikoa pilatzeko sistema instalatu da eta sentsore sare berritzaile batek tenperatura, hezetasuna eta haizearen azkartasuna kontrolatzea ahalbidetuko du.

Proiektuaren lantaldeak garapen hauek aurkeztu ditu EASMEk antolatutako prozesamendu industrietako kontratistentzako efizientzia energetikoari buruzko bilkuran.

SUSPIRE proiektua H2020 Europar Batasunak diruz lagundua da 680169.H2020-EE-2014-2015/H2020-EE-2015-1-PPP finantziazio akordioaren baitan.

SusPIRE proiektuaren baitan sortuako biltegiratze termikoko sistema eta bero trukatzailea.