IK4-Azterlan Ikerketa Metalurgikorako Zentroko ikerlariek otsailaren 28an eta martxoaren 1ean parte hartu dute proiektu europar esanguratsu honen eguneratze bileretan.
RESLAG proiektu europarraren parte hartzailean Grenoblen, Frantzia, bildu dira partzuergoa osatzen duten erakundeek egindako aurrerapenak amankomunean jartzeko. Bilkura CEAren egoitzan egin da, zeinak altzairugintzako zepa beltzetik erauzitako balio altuko metalak berreskuratzeko lehen entseguak egin dituen bere plantan kokatutako Pilotuan.
Argazki oina: RESLAG proiektuan parte hartzen duten erakundeetako ordezkariak CEAren egoitzan (Grenoble, Frantzia).
IK4-AZTERLAN WP3ren liderra da, zeina altzairugintzako zepa beltzetatik abiatuta, biltegi termiko bezala erabiltzeko material berrien (Pebble) sorkuntzara eta karakterizaziora zuzenduta dagoen. Ikerketa Metalurgikorako Zentroak arrakastaz bukatu ditu erronka esanguratsu honi dagozkion lanak. 7 tona “Pebble” sortu dira konformatze mekanikoaren bitartez bero hondakina berreskuratzera zuzenduta dagoen 2. Pilotuan erabiltzeko. Pilotu hau Arcelor Mittal enpresaren Sestaoko egoitzan kokatuko da. Era berean, sintetizazio bidetik, 10 tonatik gora “Pebble” sortu dira 3a eta 3b Pilotuetan erabiltzeko. Azken bi hauek eguzki-energia kontzentrazio plantetan erabiliko beroa biltzeko eta berreskuratzeko erabiliko dira.
Bi material mota hauen inguruan burututako karakterizazio kimikoek, termofisikoek eta mekanikoek erakutsi dute material egokiak direla bero termiko bilgailu bezala erabiltzeko.
RESLAG “Turning waste from steel industry into a valuable low cost feedestock for energy” H2020- WASTE (2014) programaren baitan diruz lagundutako proiektua da. RESLAGen helburu nagusia da altzairugintzako zepa beltza balioan jartzea eta berrerabiltzea 4 aplikazio berritzailetan: 1) balio altuko burnizkoak ez diren metalen erauzketa, 2) Industria sektoreetan aplikatzeko bero berreskuraketarako biltegi-material bezala, 3) energia termiko biltegi material bezala eguzki energia kontzentrazio plantetan, 4) material erregogorren sorkuntzarako lehengai gisa. Aplikazio hauetako bakoitzaren demostrazioa pilotu mailako erakusleen diseinuaren eta eraikuntzaren bitartez egingo da.
RESLAGen partzuergoa Europar Batasuneko hainbat herrialdetako eta Marokoko 19 parte-hartzailek osatzen dute.
