RESLAG Proiektu europarrak altzairugintzako hondakinen komertzializazio bultzatzeko erreminta sortu du

Zepak lokalizatzeaz gain, erremintak erosle eta saltzaile potentzialak harremanetan jartzea ahalbidetzen du.

Argitaratu berri da Reslag-Market webgunea altzairugintzako zepa hondakinak lokalizatzea helburu duena tipologia, kantitate eta bestelako intereseko parametro batzuen arabera.

Webguneak erosketa eta salmenta proposamenak egitea ere ahalbidetzen die erabiltzaileei, erosle zein saltzaile potentzialak.

Iniziatiba hau RESLAG proiektu europarraren helburuen baitan kokatzen da altzairugintzako zepak aplikazio berritzaileetan berrerabiltzeko.

Reslag-Market.eu webgunearen iruduia.

RESLAG Proiektuari buruz

RESLAG “Turning waste from steel industry into a valuable low cost feedestock for energy” H2020- WASTE (2014) programaren baitan diruz lagundutako proiektua da. RESLAGen helburu nagusia da altzairugintzako zepa beltza balioan jartzea eta berrerabiltzea 4 aplikazio berritzailetan: 1) balio altuko burnizkoak ez diren metalen erauzketa, 2) Industria sektoreetan aplikatzeko bero berreskuraketarako biltegi-material bezala, 3) energia termiko biltegi material bezala eguzki energia kontzentrazio plantetan, 4) material erregogorren sorkuntzarako lehengai gisa. Aplikazio hauetako bakoitzaren demostrazioa pilotu mailako erakusleen diseinuaren eta eraikuntzaren bitartez egingo da.

RESLAGen partzuergoa Europar Batasuneko hainbat herrialdetako eta Marokoko 19 parte-hartzailek osatzen dute.