SPRI Taldearen “Deep Dive BDIH – Material Aurreratuak” nodoaren baitan antolatuta, maiatzaren 9an egingo da AZTERLAN Metalurgia Ikerketa Zentroan.
Datorren maiatzaren 9an, AZTERLANek atomizazio eta pulbimetalurgia teknologiei buruzko saioa hartuko du, BDIHren Material Aurreratuen Deep Dive-aren baitan antolatua. Saio honetan, ekoizpen-prozesuen hobekuntza sustatuko da, birziklatzearen eta material metalikoen konposizioaren berrerabilpenaren bidez, arreta berezia jarriz atomizazio-teknologietan eta pulbimetalurgian. Euskal ETEen produktuak eta prozesuak optimizatzeaz gain, berrikuntza horiek iraunkortasunaren helburua lortzen laguntzen dute. Horretarako, jardunaldiak hainbat sektoretako erabilera kasuak eta erakustaldi praktikoak bilduko ditu, baita BDIHko Material Aurreratuen nodoko zerbitzuak eta aktiboak ere. Horien artean, AZTERLANen hauts metalikoak fabrikatzeko eta karakterizatzeko gaitasunak izango dira, baita zentro teknologikoaren Teknologia Aurreratuen Unitatea ere.
Deep Dive hau EAEko industria-enpresetako gerenteei, I+Gko arduradunei, kalitate-arduradunei eta produkzio-arduradunei zuzenduta dago bereziki, ekoizpen-prozesuen errendimendua hobetu eta material eta tresna berriak gehitzeak sortzen duen balio erantsia aztertzeko. Material Aurreratuen nodotik adierazi dutenez, «pulbimetalurgia bezalako teknologiak oso erabilgarriak dira osagai konplexuak sortzeko, materialaren erabilera optimizatuz, eta horrek ekoizpenari lotutako kostuak nabarmen murriztea ekar dezake. Hori guztia, kalitateari eta piezak zaintzeko aukerari uko egin gabe, eta betiere fokua jasangarritasunean jarrita». Bertan, “hands on” saioak proposatuko dituzte. Saio horietan, bertaratutako pertsonek adituengandik gertu egoteko aukera izango dute, bai aurkeztutako aktiboekin zuzenean lan egiteko, bai talde teknikoekin dituzten banakako beharrak kontrastatzeko eta tresna eta material horiek produkzio-prozesuetan txerta daitezkeen egiaztatzeko.
📍 Tokia: AZTERLAN Metalurgia Ikerketa Zentroa (Aliendalde 6, 48200 Durango. Bizkaia)
📅 Data eta ordutegia: 2024/05/09 – 09:00etatik 16:00etara
