Munduko Galdaketa Erakundearen Batzorde Betearazleak antolatu berri duen lan topaketan parte hartu du IK4-AZTERLAN Metalurgi Ikerketa Zentroak, bertako parte izanik. Lan topaketa “7th International BRICS Foundry Forum” eta “South African Metal Casting Conference” egitasmoen baitan kokatzen da.
WFO (Munduko Galdaketa Erakundea) 1927an sortu eta gaur egun 30 herrialde kide batzen dituen nazioarteko lan-sarea da. Erakunde horretako partaide nabarmenak dira produkzio, kontsumo eta garapen teknologiko maila altuenak aurkezten dituzten herrialdeak. Munduko galdaketa industriarentzat erreferente argia da.
Nazioarteko bi topagune tekniko garrantzitsuren baitan, WFOk lan-topaketa bat antolatu du. Bertan, erakundeak abiatutako ekimen berrien jarraipena egiteko aukera izan da. Ekimen horien helburuak dira galdaketa industriaren garapen teknologikoan aurreratzea eta kide diren herrialdeetako kideen arteko lankidetza teknikoa hobetzea.
IK4-Azterlan Metalurgia Ikerketa Zentroak parte hartze aktiboa du nazioarteko sare honetan, eta 2015eko urtarriletik WFOri eta bere idazkaritza nagusiari laguntza zuzena ematen dio.
