Jardunaldi teknikoa: “Osagarrien eta soluzio teknologiko aurreratuen garapena Galdaketa industrian”

Lan-saio teknikoa otsailaren 21ean izango da IK4-AZTERLAN zentro teknologikoan. Bertan ADI Treatments Ltd. enpresako adituek eta Tabira Galdaketa Institutuko adituek ere parte hartuko dute.

Galdaketa industria oso dinamikoa da eta bere lehiakortasuna hobetzeko funtsezko faktoreak dira garapen teknologikoa eta berrikuntza. Merkatu globalean, non produkzioa 4.0 Industriaren inguruko eraldaketa digitalak markatuta dagoen, galdaketa sektoreak ere erantzuna eman behar die paradigma berri honek dakartzan erronkei.

Era berean, osagarrietan akatsak gutxitzeko prozesua kontrolatzea eta material desberdinen gako metalurgikoak zein ezaugarri esanguratsuenak ezagutzea funtsezko alorrak dira galdaketa enpresen lehiakortasuna hobetzeko.

Alderdiotan sakontzeko helburuarekin eta ADI eta CADI materialen merkatu joeren eta perspektiben berri izateko, datorren otsailaren 21ean IK4-AZTERLAN Ikerketa Metalurgikorako Zentroak “Osagarrien eta soluzio teknologiko aurreratuen garapena Galdaketa industrian” jardunaldi teknikoa hartuko du, Tabira Galdaketa Institutuarekin batera antolatutakoa, eta ADI Treatment enpresako eta IK4-AZTERLANeko adituen aurkezpenak izango dituena.

Ekitaldian Munduko Galdaketa Erakundearen proposamen berrienak ere aurkeztuko dira.

Saio teknikoaren programa osoa eta izen-emate formularioa helbide honetan aurkitzen dira.