ForoTech Deustuko Unibertsitatearen eta enpresa-sektorearen topagunea da, urtero antolatzen dena. Unibertsitateko ikasleei eta gizarteari oro har teknologiaren arloan dauden berrikuntzei berri emateko eta Euskadiko enpresek eta ikerketa-zentroek berritzeko duten gaitasuna ezagutzera emateko antolatu ohi da.
IK4 Aliantza Teknologikoa ForoTech Deustuko Unibertsitatearen Zientzia eta Teknologia Astean izan da.
Unibertsitatearen eta enpresa-sektorearen topagune bat izaten da aste hori, eta unibertsitateko ikasleei eta gizarteari oro har teknologiaren arloan dauden berrikuntzei berri emateko eta Euskadiko enpresek eta ikerketa-zentroek berritzeko duten gaitasuna ezagutzera emateko antolatu ohi da.
Apirilaren 5etik 7ra bitarte egin den topagune honen babesle nagusia da IK4, eta gaur egun esku artean dituen zenbait proiektu eman ditu ezagutzera, zeinen bidez enpresa industrial batzuen lehiakortasuna bultzatzen ari baita.
Aurtengo egitarauan, zenbait mahai-inguru, tailer eta jarduera antolatu dira enpresa eta erakunde teknologiko batzuen partaidetzarekin, hala nola Cimubisa, Bilboko udala, Bizkaiko Foru Aldundia, Emakunde, Vidrala, Microsoft, Grupo SPRI, Samsung, Bilbao Ekintza, Donostia Sustapena -Fomento San Sebastián eta Alzola Basque Water.
Egitarauaren barruan, Deustuko Unibertsitateko Ingeniaritza Fakultatearen 40. urteurrenarekin bat eginez, Emakume Teknologoari ematen zaion Ada Byron saria eman zitzaion matematikan doktore eta enpresari den Regina Llopisi.
