IK4-AZTERLANek industria metalurgikoari zuzendutako 4.0 teknologien alorreko berrikuntzak aurkeztu ditu 2019 Mexikoko Galdaketa Jardunaldian

Ekitaldi teknikoak galdaketa sektorearekin lotutako profesionalak bildu ditu sektorera zuzendutako berrikuntza eta aurrerapen teknologikoak partekatzeko.

Maiatzaren 23an egin zen Queretaron (Mexiko) 2019 Mexikoko Galdaketa Jardunaldia zeinak beste urte batez sektorera lotutako teknikariak eta adituak bildu dituen galdaketa prozesuekin lotutako berrikuntzak eta teknologiak partekatzeko.

Aurtengoan landu diren alorren artean aurkitzen dira: burdin eta altzairu galdaketarako eraldatze teknologia aurreratuak, metal likidoaren gaineko tratamenduak, tratamendu termikoak eta bestelako prozesuak, hondakinen kudeaketa aurreratua eta 4.0 teknologiak eta prozesuaren kontrolerako datuen kudeaketa aurreratua.

Bere aldetik, IK4-AZTERLAN Ikerketa Metalurgikorako Zentroak bilkuraren programa ofizialean parte hartu du “4.0 galdaketa industriarentzako teknologia informatikoak” izeneko aurkezpenarekin. bertan, Raymundo del Campo ikerlariak prozesuko datuen kudeaketa adimentsuak eta kontrolerako eta simulaziorako erramintek defektuen agerpenean eta fabrikazio prozesuaren efizientzian positiboki nola eragin dezaketen aurkeztu du.

Bere hitzaldian del Campok zentro teknologikoaren 4.0 alorreko teknologiak aurkeztu ditu, hala nola: Sentinel kontrol prediktiborako plataforma (adimen artifiziala erabiltzen duena), Salomon softwarea (galdaketa prozesuko aldagai anitzeko analisia egiten duena), Thermolan (kalitate metalurgikoaren kontrol prediktiboa egiten duena) eta Eidocalc softwarea (solidotze prozesuan zeharreko kalitate metalurgikoaren simulazioa egiten duena, AMVrekin batera garatutakoa).

Raymundo del Campo ikerlaria bere aurkezpenean