IK4-Azterlanek industria metal-mekanikoarentzako 4.0 soluzioak aurkeztuko ditu BIEMH erakustazokan

Ikerketa Metalurgikorako Zentroak inteligentzia prediktiboko SENTINEL® plataforma aurkeztuko du nazio artean makina-erramintaren eta fabrikazio aurreratuaren alorrean erreferente den ekitaldi honetan.

IK4-AZTERLAN Basque Industry 4.0 stand-ean izango da maiatzaren 28tik ekainaren 1era (4. Pabilioia, C37 Standa) beste euskal erakunde eta zentro teknologiko batzuekin batera erakusketa espazioa partekatuta.

Metalurgia eraldaketa prozesuetarako adimen prediktiboa

Zentro teknologiko honetako Adimen Artifizialeko eta  Goi Teknologiako Konponbideen lantaldeak sortua, SENTINEL® adimen prediktiboko erreminta da galdaketa prozesu industrialak hobetzea helburu duena. Denbora errealean, plataformak aldagai anitzeko analisia egiten du edozein osagarriren fabrikazioan zehar eragiten duten 600 parametrotik gora aztertuta.

Azterketa honi esker, SENTINEL® Plataforma adimentsuak galdaketa piezen emaitzaren kalitatea aurreikusten du eta okerrik detektatuz gero, zuzenketa aholkuak bidaltzen dizkie prozesuan zehar parte hartzen duten ekipoei eta pertsonei.

Honi esker, SENTINEL® Plataformak produkzio hazkundearen eta zero akatsen ibilbidean aurrera egitea ahalbidetzen die galdaketa enpresei eta bestelako metal-eraldaketa industriei. Hauek dira Inteligentzia prediktiboko plataforma hau egokituta duten zenbait enpresa: Fuchosa S.L., Fundiciones Garbi S.A., Betsaide S.A.L. (egun, Plataforma ezartzen eta doitzen ari dena) edota Sakthi Portugal (non neurrira egokitutako plataformak Olimpo izena duen).

IK4-Azterlan-eko ikerlari Javier Nieves doktoreak Inteligentzia prediktiboko SENTINEL® Plataforma aurkezten dio Eusko Jaurlaritzako Ekonomia Garapen eta Azpiegitura sailburu Arantxa Tapia andereari Hannover Messe 2018n.