IK4-AZTERLANek, eta VEIGALAN STUDIO 2010. S.L., SAKTHI PORTUGAL eta CONTINENTAL TEVES enpresek balazta sistementzako osagarri arinagoen generazio berri bat garatuko dute

DigiMAT proiektu europarrak prozesuak eta materialen ezaugarriak uztartuko dituzten soluzio adimentsuak sortuko ditu, galdatutako burdinazko materiale generazio berri bat lortzeko automobilgintza sektorerako. Helburua da osagarri arinagoak garatzea ezaugarri mekaniko eta mekanizazio ezaugarri hobetuekin.

Pisua gutxitzea eta materialen erabilera optimizatzea gako faktoreak dira automobilgintza sektorearen efizientzia energetikoa eta ingurumen inpaktua hobetzeko. Egun, automobilen osagarrien %75 baino gehiago aleazio metalikoekin eginda dago eta galdaketa industria da sektoreak gehien erabiltzen duen fabrikazio teknologietariko bat. Galdaketa teknologiek osagarriek izan behar duten azken-formatik hurbil sortzea ahalbidetzen dute errendimendu/fabrikazio koefiziente altuarekin.

 Edonola ere, segurtasun osagarri kritiko batzuen kasuan, hala nola, galgak, ohikoa da behar duten dimentsioak baino handiagoak sortzea, segurtasun koefiziente altuenak aplikatuta. Ondorioz, automobilaren pisuari eragiten diote, baita erabilitako metal kopuruari ere.

Erronka honi era berritzailean heltzeko, DigiMAT proiketu europarrak, VEIGALAN STUDIO 2010 S.L enpresak zuzendua eta IK4-AZTERLAN Zentro Teknologikoaren zein Sakthi Portugal eta Continental TEVES konpainien parte hartzea duena, arkitektura digital berria sortuko du, zeinak neurrira sortutako material generazio berri bat sortzea ahalbidetuko duen, “material digital” izendatuak, datuen analisia, informazioaren prozesazioan eta informazio eta komunikazio teknologietan oinarrituta.

Argoitz Zabala ikerlariaren hitzetan (Adimen Artifiziala eta Soluzio Teknologio Aurreratuak ikerketa lerroaren arduraduna IK4-AZTERLAN-en), “gure helburua da soluzio adimentsu bat sortzea, prozesuari eta materialari buruzko datuengan lan egingo duena. Datuok arkitektura digital batean almazenatuko dira. Arkitektura digital hau osatuko dute sare batek, entseguen kontrolek (suntsitzaileak zein ez-suntsitzaileak) eta kontrolerako modelo prediktiboeta eta machine learning algoritmoek “.

Proiektua bilatu nahi diren ezaugarriak hobetuak izango dituzten ikerketa batean oinarrituko da. Honela, fabrikazio prozesu tradizionaka 4.0 industriako teknologia aurreratuekin uztartuko dira, zeintzuek prozesuko datu eta parametro esanguratsuenak lortzea, biltegiratzea, prozesatzea eta aztertzea ahalbidetuko duten. Ikerketa honen emaitzetan oinarrituta, VEIGALAN STUDIO 2010 S.L.-k neurrira eraikitako software bat garatuko du, Olimpo sistemara gehituko dena (Sakthi Portugalek IK4-AZTERLANekin batera sortutako Prozesu Kontrolerako Sistema Aurreratua).

Balazta sistema berritzailea sortzen eta merkaturatzeko “material digitaletan” oinarrituta

Lantaldearen hitzetan, “material digitalek inpaktu zabala izan dezakete industriarengan eta gizartearenga. Berauen aplikazio potentziala edozein material motatara luzatzen da eta pisu arintze esanguratsua ekar dezake, baita prozesu industrial jasangarriagoak ere”.

Erakusle bezala, DigiMAT proiektuak galga sitema berritzaile bat sortuko du urkila eta pintza hobetuekin (biak ere, edozein galga sistematako segurtasun osagarri kritikoak), zeinak Sakthi Portugalek produzituko dituen ondoren Continental Teves galga sistema sortzailearen entsegu bankuetan balidatzeko.

“Gure helburua da osagarri arinagoak sortzea, mekanizazio ezaugarri hobetuekin”. Hori lortzeko, garapena bezeroaren beharretan oinarrituko da, baita Continental Teves-en berariazko erreferentziei aurrez egindako kontroletako datuetan ere.

Proiektuaren lantealdeak aurreikusten du sortutako garapena Europako burdin-galdaketa merkatuaren %35era eta mundu mailako burdin-galdaketa merkatuaren %10era iritsiko dela datozen 5 urteetan.

DigiMAT proiektua EIC Fast Track to Innovation Horizon 2020ren baitako programak diruz lagundua da 830903 zenbakiarekin.