IK4-AZTERLANek Energia Klusterraren EnergiBasque difusio ekitaldia hartu du

EAEko enpresek eta berrikuntza agenteek RIS3 estrategia energetikoarekin lerrokatutako ereduak eta praktika onak partekatu dituzte, alor honetako B+G proiektuen sorrera bultzatzeko.

Energia sektorearekin lortutako enpresei eta agenteei zuzenduta, abenduaren 5ean EnergiBasque disfusio ekitaldia egin da IK4-AZTERLAN Zentro Teknologikoan, Energia Klusterrak antolatuta Innobasqueren laguntzarekin. Jardunaldiaren helburua izan da Euskadiren RIS3 estrategiaren inguruko sentsibilizazioa hobetzea. Bertan parte hartu dute baita EVE Euskal Energiaren Erakundeak, CIC-Energigunek, IK4-IKERLAN, TECNALIA eta IK4-AZTERLAN zentro teknologikoek eta ALCORTA FORGING GROUP eta TELUR Geotermia y Agua enpresek.

Ekitaldiaren hasiera Energiaren Klusterrak egin du azpimarratuta EnergiBasque ekimenaren helburu nagusia dela “herrialde-mailako energia estrategiaren inguruan martxan dagoen lana ikusgarri egitea, ereduak eta praktika egokiak partekatuta”. Horrez gain, EnergiBasque ekimenak enpresen parte hartzea bilatzen du energiaren alorrean berrikuntza proiektuak bultzako RIS3 estrategiarekin lerrokatuta.

Egun arte “49 ikerkuntza proiektu burutu dira laguntza publikoen bermearekin”, tartean aurkitzen dira, esaterako, IK4-AZTERLAN parte hartzaile duten RESLAG, EFFORT 4.0 eta SUSPIRE. Hain zuzen, azken bi proiektu hauek kasu bezala aurkeztu dira, hurrenez hurren, ALCORTA FORGING GROUP eta TELUR Geotermia y Agua enpresetako ordezkarien aldetik..

Alcorta Forging Group enpresako ordezkariek Effort 4.0 berrikuntza proiektua aurkezten dute

Bilkurak Euskadi 2030 Estrategia Energetikoaren aurkezpena ere jaso du EVEren eskutik. Aurkezpenean adierazi da honen helburua dela “2030erako energia kontsumoa %17 murriztea”. Zentzu honetan, EVE ordezkariak azaldu du efizientzia energetikoa gakoa dela eredu energetiko jasangarri eta lehiakorra lortzeko. Azkenik, ildo honetako berrikuntza proiektuak bultzatzeko helburuarekin, egun industriarentzako indarrean dagoen laguntza markoa azaldu da (euskal programak, estatukoak eta europarrak).