IK4-AZTERLANek EFFORT 4.0 proiektuan parte hartzen du, prozesu industrialetarako Adimen Artifiziala eta sentsore sistema aurreratua garatzera bideratua

Alcorta Forging Group enpresa buru duen EFFORT 4.0 proiektuaren kontsortzioa disziplina anitzeko EAEko enpresa eta berrikuntza agenteek osatzen dute: Ekide S. Coop., Larraioz, Ulma Embeded Solutions S. Coop., Dominion, AYS, Ingetek, Ceiber, Titanium Industrial Security, Mondragon Unibertsitatea, IK4-IKERLAN, AC4C, Vicomtech, Ikergune, Deustuko Unibertsitatea eta IK4-AZTERLAN Ikerketa Metalurgikorako Zentroa.

Ezagutzaren eta informazioaren kudeaketa oinarrizkoa da enpresen  know-howaren biziraupena eta prozesu produktibo industrialen etengabeko hobekuntza bultzatzeko, fabrikazio eredu efizienteagoak lortzeko.  Informazioaren eta komunikazioaren teknologiek industriaren eskura jartzen dituzte prozesuaren puntu desberdinetan sortutako informazioa jasotzeko, pilatzeko eta korrelazionatzeko erremintak, fabrikazio prozesuan elkar-eragiten duten sistema inteligenteak garatzeko, giza faktorea osatuz edo murriztuz erabakiak hartzeko orduan.

Datuak jasotzeari dagokionean, prozesu produktiboaren monitorizazio optimoak bertan parte hartzen duten hainbat elementu etengabe kontrolatzea dakar (makinak, erremintak, tarteko produktuak zein azken produktuak…). Edonola ere, hainbat prozesu industrialetan gertatzen diren ingurumen kondizio bortitzek (tenperatura altuak, presio altuak, airean suspentsioan dagoen partikula kopuru handia…), zaildu egiten dute datuak jasotzeko sistemaren funtzionamendua. Problematika hau oso zabalduta dago galdaketa, altzairugintza, forj, HPDC, LPDC edota berozko estanpazioko industrietan.

Datuen analitikarako sistema berriek ahalbidetzen dute datu andana prozesatzea, antolatzea eta prozesuko gako adierazleekin lotzea. Era berean, machine learning eta adimen artifiziala bezalako teknologiek, eredu matematiko konplexuetan oinarrituak, giza-ezagutza eta makinen ikasteko gaitasuna lotzen dituzte erabaki-hartze prozesuetan emaitza ikusgarriak eskainita prozesu industrialetako hainbat alor garrantzitsutan.

Aukera hauek aprobetxatzeko helburuarekin, Effort 4.0 proiektuak disziplina anitzeko 15 euskal enpresak eta berrikuntza agentek osatutako kontsortzioa dauka, prozesuan zeharreko ezagutza aditua, sistema adimentsuen ikasteko gaitasuna eta sentsore sistema aurreratuak integratzeko datu analitika aurreratua garatuko du industria metal-mekanikoan prozesu produktiboen efizientzia hobetzeko. Honela, proiektuak prozesuko hainbat puntutako eta pertsonaren ezagutza fusionatuko du “ezagutza prozesuei automatizazio maila (bai fabrikazioan bai emaitzen kudeaketan) altuagoa emango dien arkitektura digital bat garatzeko oinarria izan dadin.

Horretarako 3 urtetan zehar Effort 4.0 proiektuak, besteak beste, jasotako datuen denbora errealeko kontrolerako eredu prediktiboak garatuko ditu, MPC eta machine learning alorrak bere baitan hartuko dituena, prozesuaren kontrol energetikoa eta forja, burni-galdaketa eta HPDC (aluminiozko injekzioa) industrietako produktuaren kontrola burutzeko.

Honela, Effort 4.0 proiektuak errefusatutako pieza kopurua gutxitzea, erreminten lan-bizitzaren kontrola hobetzea eta fabrikatutako piezen kalitatea hobetzea ahalbidetuko du, baita produkzioaren efizientzia hobetzea ere.

Forja prozesuko irudia (SIFEren baimenarekin)