IK4-AZTERLANek AFS Metalcasting Congress 2018n (AEB) parte hartu du burdin-galdaketan grafito kristalizazioari buruzko bi lanekin

“A Comparative Study of Crystal Growth in Cast Iron and in Analogous Systems” azterlan zabalari buruzko bi paper aurkeztu dituzte IK4-Azterlan Metalurgia Ikerketa Zentroko ikerlari Gorka Alonsok eta Ohio State University-ko eta University of Alabama-ko irakasle Doru Michael Stefanescuk.

American Foundry Society-k antolatuta, apirilaren 3tik 5era Fort Worth-en, Texas, (AEB) izan da Metalcasting Congress 2018 zeina galdaketa teknologien alorrean nazioarteko ekitaldi esanguratsuenetako bat den.

Beste behin ere, IK4-AZTERLAN kongresuaren programa ofizialean izan da, oraingoan burdin-galdaketan kristalizazio grafitikoari buruzko bi aurkezpenekin. Grafito kristalizazioa fenomeno konplexua da, asko aztertu dena eta burdinazko aleazioen solidotze prozesuen alorrean aurrerapen esanguratsuak ekarri dituena.

Grafito kristalizazioaren atzean ezkutatzen den konplexutasuna azaltzeko asmoarekin IK4-Azterlan zentro teknologikoko ikerlari Gorka Alonsok eta Ohio State University-ko eta University of Alabama-ko irakasle Doru Michael Stefanescuk “A Comparative Study of Crystal Growth in Cast Iron and in Analogous Systems” azterlaneko bi lan-lerro aurkeztu dizkie bertaratutako adituei.

Lehenengoan, Stefanescu jaunak grafitoaren antzera egitura hexagonala duten materialetan kristalaren eraketari buruzko azterketa konparatiboa aurkeztu du. Bigarren aurkezpenean, IK4-Azterlaneko ikerlariak burdina-galdaketaren eta grafitoaren kristalizazio multimekanismoaren alorrean burututako lan esperimentala azaldu du.

Metalurgian espezializatutako zentro teknologiko bezala, IK4-Azterlanek . Solidotze prozesuak eta grafitoaren kristalizazioa burdina-aleazioetan zentroaren ikerketa lerro nagusienetako bi dira.

esperientzia zabala dauka galdaketa teknologien alorrean 

Alonso (goian) y Stefanescu (behean) aurkezpeneko bi momentutan.