IK4 Aliantzak lotura-teknologien inguruko jardunaldi teknikoa antolatu du

IK4-AZTERLAN Metalurgia Ikerketa Zentroak errendimendu handiko lotura torlojutuetan gako diren faktoreen inguruko hitzaldia eskainiko du Urko Uribe ezaugarri mekanikoen eta fisikoen entseguen alorreko koordinatzailearen eskutik.

Bi edo pieza gehiagoren arteko lotura fabrikazio prozesu ohikoenetakoa da eta, era berean, kritikoa eta delikatua. Loturak egokiro funtzionatuko duela ziurtatzea aplikazio eremuan eta operazio baldintzapean, beti ere, bideragarritasun teknikoa eta ekonomikoa ziurtatuko duen prozesu optimizatua jarraituta.

Zailtasun honen zati handi bat egoera zailetan (ingurumen alorreko baldintzak, ahalegina, eraso kimikoak, operazio zikloak…) lan egin behar duten produktuen eta aplikazioen eskaeraren hazkundetik dator; baita lehengaiak eta pisua dibertsifikatzeko, gutxitzeko eta merkatzeko beharretik ere.

Lotura-teknologien alorrean aukera eta eskenatoki desberdinak aurkezteko helburuarekin, IK4 Research Alliance-k “Lotura-teknologiak fabrikazio aurreratuaren aroan” ekitaldi teknikoa antolatu du. Enpresei, unibertsitateei eta ikerketa-zentroei zuzenduta, baita esparru horretako azken errealitateak, joerak eta etorkizunerako erronkak ikuspegi teknikotik ezagutzeko interesa duten gainerako eragileei ere, bilkurak AERNNOVA, AFM clusterra, GAIKER-IK4, IK4-LORTEK, IK4-TEKNIKER eta IK4-AZTERLAN Ikerketa Metalurgikora Zentroa bezalako erakundeen ezagutza eta esperientzia elkartuko ditu.

Ekitaldi teknikoa azaroaren 8an izango da Bizkaia Zientzia eta Teknologia parkean (Zamudio) .