Tratamendu Termikoen Forum Teknikoaren 3. edizioa (Trater Day) Durangon izango da azaroaren 23an. Forum tekniko hau IK4-AZTERLAN Metalurgia Ikerketarako Zentroak eta Tabira Galdaketa Institutuak antolatzen dute.
Tratamendu termikoen sektoreak erronka garrantzitsua dauka aurrean: soluzio berritzaileak eskaini behar dizkie eskaera maila handiko aplikazioak garatzen dituzten sektoreei, tartean, hegazkingintza, itsasontzigintza eta automobilgintza sektoreei. Helburua da material iraunkorrak, malguak eta arinak lortzea.
Industria metal-mekanikoaren lehiakortasuna hobetzen lagun dezaketen aurrerapen teknologikoak identifikatzeko helburuarekin, Trater Day 2017 Forum Teknikoak sektoreko joerak eta proposamen teknologiko berriak aztertuko ditu. Horretarako TALENS SYSTEMS S.L. ETXE-TAR Group, CEIT-IK4, QUINTUS TECHNOLOGIES, A3TS (Assoc. de Traitement Thermique et de Traitement de Surface), OERLIKON BALZERS Spain, GHI Hornos Industriales, ONDARLAN INDUCTOTHERM GROUP IBERIA eta TORRAVAL COOLING, S.L., erakundeetako ordezkarien aurkezpenak jasoko ditu, baita IK4-AZTERLAN Teknologi Zentroarenak ere. Horrez gaink Trater Press-ek Media Partner bezala jardungo du.
Ekitaldia azaroaren 23an egingo da IK4-AZTERLANen egoitzan. Programa osoa eta izena-emateko bidea hemen aurki daitezke.
“Trater Day” 2017 Tratamendu Termikoen Forum Teknikoa
Trater Day IK4-AZTERLAN Metalurgia Ikerketarako Zentroak eta Tabira Galdaketa Institutuak antolatutako ekitaldi teknikoa da. Aurreko edizioan, 2016koan, 80 profesional eta 50 enpresa inguru bildu zituen.
Lan jardunaldi hau tratamendu teknikoen teknologien aurrerakuntzen eta berrikuntzen inguruan lan egiten duten profesionalentzako, teknikarientzako eta ikerkuntza lantaldeentzako bilkura gune bilakatu da (tenple teknologiak, azaleren tratamendua, karakterizazioa, neurketa, estaldurak eta abar) .
Programa osoa
