IMAGINE proiektuko lantaldeak, AZTERLAN Metalurgia Ikerketa Zentroa buru duela, galdaketa, hidrosolidifikazio, forja, estanpazio, fabrikazio gehigarri eta soldadura prozesu hibridoak garatzen dihardu, “geometria konplexuko eta berariazko ezaugarridun osagaiak kostu lehiakorragoetan garatu ahal izateko”. Orain, egindako proposamen teknologikoak baliozkotzea eta optimizatzea ahalbidetuko duten lehen test-piezak fabrikatzen eta karakterizatzen ari da lantaldea.
Lehen erakusleei forma emango dieten diseinuak hautatu eta teknologia hibridoen bidez fabrikazio-parametroak zehaztu ondoren, IMAGINEren lan-taldea teknologien hibridazioaren bidez lortutako lehen test-piezak karakterizatzen ari da: 1) galdaketa eta fabrikazio gehigarriarekin sortutakoak eta 2) forja eta fabrikazio gehigarria erabilita sortutakoak, hain zuzen.
Garatutako frogatzaileen kasuan, AZTERLANeko ikertzaile Ana Isabel Fernández Calvo doktoreak azaltzen duen bezala, “material berean egindako pieza hibridoak dira, eta horien helburua da ziurtatzea bi teknologia hibridatuek propietate metalurgiko berberak eskaintzen dituztela eta bi teknologien arteko lotuneek ez dutela puntu ahulik”.
Galdaketa eta fabrikazio gehigarriko teknologien hibridazioari dagokionez (hari laserra eta WAAM), duela gutxi, lan-taldeak AlSi7Mg0.6 aleazioarekin lortutako lehen emaitzak partekatu ditu ICWAM 2022 kongresuan (International Congress on Welding, Additive Manufacturing and associated non destructive testing). «Lehen erakusle honen karakterizazioa amaitu ondoren, egiaztatu dugu lortutako emaitzak positiboak direla eta bi prozesuen arteko lotunea ez dela fabrikatutako elementuaren punturik ahulena”. Prozesu hibrido honetan, “pieza berean material bera konbinatuta, propietate eta kalitate egokiak lortzea bilatzen dugu, fabrikazio-denbora eta materialak optimizatuz”. Horretarako, “landu beharreko funtsezko alderdiak hauek izan dira: porositatea eta pitzadura ekiditea, deposizio-tasa maximizatzea, hazkunde egonkorra lortzea, gehiegizko metal-gehitzeak optimizatzea mekanizazio operazioak ahal den neurrian saihesteko, mikroegitura fina lortzea eta anisotropia ahalik eta gehien murriztea”.
Era berean, hautsezko fabrikazio gehigarriaren onurak kontuan hartuta, forjaketa bidezko gehigarrizko hibridazioaren kasuan, ekipoak erakusleak birdiseinatu ditu, erabilitako bi teknologietara (LMD eta L-PBF) egokituz. “Planteatu diren diseinu berriek funtzionaltasuna eta arintzea uztartzen dituzte. Horretarako, egitura retikularrak eta organikoak erabili dira (L-PBF teknologiaren kasuan)”.
Aditibadun hibridazioak onura oparoak ditu hainbat sektoretan, hala nola aeronautikan edo automobilgintzan, egiturak arintzeko zein funtzionalitate berriak bilatzeko aukera eskaintzen baitute, hala nola prestazio edo akabera handiagoko materialak dituzten gehikuntza-eremuetan, besteak beste.
Erakusle horiez gain, ikerketa-taldeak 3) LBW (laser bidezko soldaketa) eta estanpazioa 4) hidrosolidifikazioa eta forja teknologien hibridazio-erakusleak garatzen jarraitzen du. Duela gutxi, bi ekarpen aurkeztu dira LBW eta estanpazioaren lan-ildoan egindako aurrerapenei buruz, LANE kongresuan, 2022ko irailean.
IMAGINE proiektuaren partzuergoa 4 zentro teknologikok, 2 unibertsitatek eta I+Gko 2 enpresa-unitatek osatzen dute. Hauek espezializazio-arlo osagarriak eta erreferenteak dituzte Euskadiko fabrikazio aurreratuaren esparruan: BRTAko kide AZTERLAN (proiektuaren liderra), CEIT, LORTEK, eta TEKNIKER, EIPC RESEARCH CENTER eta FUNDACIÓN CIE I+D+i.
UPV/EHUko Ingeniaritza Mekanikoko Departamentua eta MGEPko Materialen Konformazioko Prozesu Aurreratuen Ikerketa Taldea. Era berean, proiektuak Kontrasteko Industria-batzorde baten lankidetza du. Batzorde hori Euskadiko enpresa erreferenteek osatzen dute, zeintzuek esperientzia eta fabrikazio-gaitasuna duten hibridazio-ikerketa honetan lantzen ari diren teknologietako batean edo batzuetan.
IMAGINE proiektuak, Manufacturing for Intelligent Industry (Industria adimendunerako fabrikazio hibridoko teknologiak), bi urteko iraupena dauka eta Eusko Jaurlaritzaren Industria Sailak Elkartek Programaren bidez diruz lagundutakoa da, KK-2021/00120 erreferentziarekin. Partzuergoko kide guztien aldetik, apustu estrategikoa da. “Denok gaude oso lerrokatuta IMAGINEren emaitzek eskain diezazkiguketen garapen teknologiko eta aplikazio potentzial garrantzitsuekin”.
