Europar kontinenteko Biofouling Mapa aurkeztu da, IK4-AZTERLANek parte hartzen duen Oceanik proiektuaren baitako emaitzetako bat

Mapak offshore aplikazioentzako kaltegarriak diren landare eta animali jatorriko inkrustazioen tipologia eta ezaugarri nagusiak batzen ditu. Erreminta honen aurkezpen bi egin dira dagoeneko: ICOE 2018 Konferentzian (Cherburg, Frantzia) eta WacECen Urteroko Seminarioan (Lisboa, Portugal).

Ur handietan edota itsas inguruetan lan egin behar duten materialetan, ekipoetan (energia sortzaileak, buiak, itsasontziak…) eta estrukturetan atxikitzen diren landare eta animaliek elementu hauen funtzionamendu egokia kalte dezakete eta baita hauen zerbitzu bizitza murriztu ere bai. Biofouling izenaz ezagutzen den fenomeno hau 4000tik gora organismok sortzen dute, inpaktu maila desberdinarekin.

Offshore aplikazioetarako elementuak eta ekipoak diseinatzen, sortzen eta erabiltzen dituzten enpresen erabaki-hartze egokia errazteko, OCEANIC proiektu europarraren ikertzaile taldeak europar biofouling-aren mapa egin du.

Garatutako erreminta problema gehien sortzen duten organismoen datu base batean oinarritzen da: europar eko-erregio desberdinetan aurkitzen diren makro algak, briozooak, muskuiluak (eta bestelako bibalboak) eta zizare tubikola kalkareoak. Bertan organismo hauen intzidentziari (koordenadak, kostarekiko distantzia, sakontasuna…) eta bestelako gako parametro batzuei buruzko informazioa batzen da, bereziki, energia berriztagarrien industriarako (biofouling-aren lodiera, pisua…).

Datu base honen kontsulta esteka honen bitartez eska daiteke: http://oceanic-project.eu/biofouling-database/

Europar Biofouling Maparen aurkezpena

Orain arte Europar Biofouling Maparen bi aurkezpen egin dira, lehenengoa, azaroan, ICOE 2018 Konferentzian (Cherburg, Frantzia); bigarrena, abenduan, WavEC-en Urteroko Seminarioan (Lisboa, Portugal). Azken honetan, gainera, OCEANIC proiektuaren aurkezpen orokorra burutu zen.

OCEANIC proiektu europarraren ordezkariek Europar Biofouling Mapa aurkezten duten WavECen Urteroko Mintegian

OCEANUC proiektuak korrosioaren eta foulingaren aurkako estaldurak garatzea du helburu itsas urpeko aplikazioetarako. SPRI, EVE, SWEA, CDTI eta FCT erakundeek diruz lagunduta dago OCEANERA-NETen (Itsas Energiaren Ikerketarako Sare Europarra) bitartez OCEANERA/0005/2014.oceaneranet.eu erreferentziarekin.