“Eraldatze metal-mekanikoko industrian energia efizientzia hobetzeko garapen teknologikoak eta esperientzia aurreratuak”

Jardunaldi teknikoa datorren ekainaren 258an egingo da IK4-Azterlan Metalurgia Ikerketa Zentroan. Bertan nazioarteko adituak bilduko dira, bai enpresa mundutik datozenak bai ikerketa alorrekoak.

Energia kontsumo efizienteagoa eta jasangarriagoa ahalbidetzen duten berrikuntzak barneratzea industria guztiek amankomunean duten beharra da. Beste garapen teknologiko batzuen artean, energia hondakinak berreskuratzera edo/eta industria hondakinak gutxitzera zein balioztatzera zuzendutakoek aukera garrantzitsuak eskaintzen dituzte industria jasangarriago bat eraikitzeko, bai ingurumen ikuspuntutik bai ikuspuntu ekonomikotik.

Sustainable Energy Week 2018en markoan IK4-AZTERLAN Metalurgia Ikerketarako Zentroak “Berrikuntza Industria Energetikoki Efiziente bat lortzeko” jardunaldia antolatu du alor honetan, eta aplikazio desberdinekin lotuta, esperientzia arrakastatsuak ezagutzera emateko.

Jardunaldiak nazioarteko DOW Material Sciences, MET Modern E – Technologies, TELUR Geotermia y Agua, S.A., CIC ENERGIGUNE, IK4-TEKNIKER, EVE Ente Vasco de la Energía eta IK4-AZTERLAN erakundeetako adituak bilduko ditu, zeintzuek industrian efizientzia ekonomikoa indartzen duten soluzio teknologikoak azalduko dituzten. Beste batzuen artean, bero hondakinak berreskuratzeko sistema berritzaileak, energia berriztagarrien erabilera automobilgintza sektorean erreferente diren enpresetan (PIERBURG S.A. eta BRUSS S.L) edota industria hondakinak aplikazio energetikoetan balioztatzeko esperientziak azalduko dira.

Bilera energia kontsumo altuko enpresetako teknikariei, enpresa elektrikoetako profesionalei, mantentze-lanetako eta ingurumen teknikariei eta espezialistei eta ikerketa zentroetako zein unibertsitateetako ikerlariei zuzenduta dago batik bat.

Jardunaldia doakoa da baina aurrez izena eman behar da.

• Tokia: IK4-Azterlan Metalurgia Ikerketarako Zentroa

Jaitsi jardunaldiko programa hemen

Izena emateko egin klik hemen

Parte hartzen duten erakundeak