Maiatzaren 9an, Atomizazio eta Pulbimetalurgia Teknologiei buruzko BDIHren Material Aurreratuen Deep Dive saioa hartuko du AZTERLANek.
Saio honetan, ekoizpen-prozesuen hobekuntza sustatuko da, birziklatzearen eta material metalikoen konposizioaren berrerabilpenaren bidez, arreta berezia jarriz atomizazio-teknologietan eta pulbimetalurgian. Euskal ETEen produktuak eta prozesuak optimizatzeaz gain, berrikuntza horiek iraunkortasunaren helburua lortzen laguntzen dute. Deep Dive honetan, atomizazio- eta pulbimetalurgia-teknologiek beren produkzio-prozesuen errendimendua eta eraginkortasuna nola hobetu dezaketen ikasi ahal izango dute parte-hartzaileek, eta proiektu osatuak eta teknologia berritzaile horiek beren erakundeetan sartzen lagunduko dieten benetako erabilera-kasuak ezagutzeko aukera izango dute.
Pulbimetalurgiak metalezko osagai konplexuak ekoizteko ateak irekitzen ditu, materialaren erabilera optimizatuz, eta horrek ekoizpenari lotutako kostuak nabarmen murriztea ekar dezake. Hori guztia, kalitateari eta piezak zaintzeko aukerari uko egin gabe, eta betiere fokua iraunkortasunean jarrita.
Programa osoa eta parte hartzeko izen-emateak emateko formularioa esteka honetan daude eskuragarri, SPRI Taldearen webgunean.
Material Berriak BDIH Deep Dive
