Maider Muro doktoreak, AZTERLAN Metalurgia Ikerketa Zentroko ikertzaileak, “Barne hozte-zirkuitudun konformazio-erreminten fabrikazioa laser cladding bidez” izeneko lana aurkeztu du, SUSIE ikerketa-proiektuaren barruan egindako lanaren atal bat ezagutzera emanez.
Bere hitzaldian, Muro doktoreak LMD teknologia erabilita metala gehituz larruazalpeko hozte-sistema bat egiteko hainbat gako landu ditu. «Hozte-zirkuitoak dituzten konformazio-erremintak sortzeko orduan, propietate osagarriak dituzten materialen konbinazioak erabili ohi dira. Zailtasun eta eroankortasun termiko handiko nukleo bat, higadurarekiko oso erresitentea den gainazal bat eta zirkuituen barne-estaldura bat, korrosioarekiko erresistentea den hozte-zirkuituen barne gainazal bat. Propietate horiek teknologia konbentzionalen bidez konbinatzea zaila bada ere, cladding laserrak fabrikazio-aukera berriak eskaintzen ditu”.
Testuinguru horretan, AZTERLANeko ikertzaileak “AISI 316L altzairu herdoilgaitza, zailtasun handiko 1.2311 erreminta-altzairuzko oinarri batean integratzeko eta higadurarekiko erresistentzia handia daukan 1.2344 altzairuarekin estaltzeko egindako lana” azaldu du, zeina SUSIE proiektuaren baitan garatu den. Lorpen honek “aurrerapauso handia” suposatu du proiektu honen helburuak betetzeko, izan ere, “esperientzia honi esker, estali beharreko elementuaren gutxieneko lodiera zehaztu ahal izan dugu, haren integritatearia eta propietateei eragin gabe”.
Hain zuzen, hau funtsezko pausoa da fabrikazio gehigarriko teknologien bitartez sentsorika adimenduna erreminta-gainazaletan eta iristeko zailak diren eremuetan integratzetu ahal izateko. “Integrazio-prozesuan eta fabrikazio-tresnen ohiko funtzionamenduan beroa barreiatzearekin lotutako arazoetarako konponbideak garatzea funtsezko urratsa da kableatu eta sentsore funtzional eta fidagarriak integratu ahal izateko lan-ingurune zail horietan”.
Materialen Zientzia eta Teknologia Kongresua Bilbon egin da azaroaren 29an eta 30ean, eta Euskadin egiten den lan zientifikoaren dibugaziorako eta zabalkunderako erreferentziazko bilkura da.
Maider Muro doktorea lanaren aurkezpenean.
