AZTERLAN Metalurgia Ikerketa Zentroko Zerbitzu Teknologikoen arloa ENACek egiaztatuta dago material metalikoen karakterizazio-saiakuntzak egiteko, UNE-EN ISO/IEC 17025:2017 arauaren arabera (59/LE069 espedientea). Akreditazioaren zabaltze berri honek indartu egiten du AZTERLANen apustua industria metal-mekanikorako eskaintza analitiko espezializatu osoena eta sendoena osatzeko.
ENAC Ziurtapen Erakunde Nazionalak berretsi egin du AZTERLANen eskaria UNE-EN ISO/IEC 17025:2017 arauaren arabera egiaztatutako saiakuntzen eskaintza zabaltzeko, saiakuntza mekanikoak, kimikoak, ez-suntsitzaileak eta material metalikoen korrosiokoak egiteko, 59/LE069 espedienteak jasotzen duen bezala. Akreditazioaren zabaltze honek AZTERLANen gaitasun analitikoa indartzen du, bereziki, korrosioaren eta saiakuntza ez-suntsitzaileen esparruan emandako zerbitzu analitikoak, baita saiakuntza mekanikoen eta karakterizazio kimikoko saiakuntzen esparruan emandakoak ere.
Jose Mª Murua AZTERLANeko Material eta Zerbitzu Teknologikoen zuzendariaren hitzetan, “industriari eskaintza analitiko espezializatu zabalagoa eta fidagarriagoa eskaintzeko egin dugun apustua irmoa da. Gaitasunen handitze berri honek indartu besterik ez du egiten norabide horretan egiten dugun ahalegina. Noski, gaitasun hauek lehen mailako teknikari-talde batean oinarritzen dira, material metalikoetan esperientzia handia eta ezagutza-maila handia duena, baita lehen mailako ekipamendu eta instalazio berrietan ere. Horiei guztiei esker abangoardiako zerbitzua emateko gai gara”.
➡️ Egiaztapenaren irismen osoa kontsultatu
Akreditazioa zabaltzean sartutako berrikuntza nagusiak
Korrosioaren eta material metalikoen babesaren esparruan, ENACek egiaztatutako saiakuntza berriak, batik bat, estalduren korrosioarekiko erresistentzia zehazteko baldintza ziklikoetan egindako entsegu-metodoei dagozkie, UNE-EN ISO 11997-1: 2018 (B zikloa) eta UNE-EN ISO 2409:2021 (saretze bidezko ebaketa) arauen arabera, bai eta PV 1210:2016 (Volkswagen), CETP-L-467: 200903 (Ford) eta VCS 1027 1449:2014 (Volvo) automobilgintza-sektoreko saiakuntza espezifikoei ere. Era berean, korrosio-arloak altzairu herdoilgaitz (duplex) austenitikoen/ferritikoen mikroegituraren kalitatea kontrolatzeko saiakuntzak ere egiaztatu ditu, ISO 17781:2017 arauaren arabera.
Saiakuntza ez-suntsitzaileei dagokienez, soldadurak begiz ikuskatzeko saiakuntzari dagokio handitzea. Horrela, saiakuntza ez-suntsitzaileen akreditazioa zabaltzeak soldatutako loturen saiakuntzak eta ebaluazioa UNE-EN ISO 17637:2017, UNE EN ISO 5817:2014 eta ISO 10042:2018 arauen arabera egitea aurreikusten du.
Propietate Fisikoen Saiakuntzen arloan, finkapen-elementuak karakterizatzera bideratutako eskaintza indartu da, ISO 16047:2005 Amd.2012, UNE-EN 14399-2: 2016 (saiakuntza-tartea T ≤ 30000 Nm handitzea) eta DIN 18800-7: 2002 arauen arabera.
Azkenik, Kimika Sailak ASTM E1019-18 arauan oinarrituta N: (0,0020 -0,566)% eta O: (0,0010 – 0,0200)% automatikoki zehazteko saiakuntzetan egiaztatutako saiakuntza-tartea handitu du.
