AZTERLANek LIFE HI4S proiektuan parte hartzen du. Proiektu horren helburu nagusia industria-hondakin garrantzitsu horren balioa handitzea da. Proiektuak, era berean, beroa birsortzeko eta elektrizitatea ekoizteko instalazio-prototipo bat eraikitzea aurreikusten du.
Berriki hasi da HI4S (Heat It yourself For Sustainability) europar proiektua, zeinaren helburua den hondakin hori aprobetxatzea beroa birsortzeko eta elektrizitatea ekoizteko ArcelorMittalen Sestaoko (Bizkaia) instalazioko arku elektrikoko labeen hondar-beroa erabilita. Proiektuaren helburua da “in situ” neurtzea sortuko den pilotuaren ingurumen-onurak aztertzea eta erreplikagarritasuna erraztea. Ikerlari taldearen hitzetan, “errendimendu osoko instalazio siderurgiko batean eskala errealeko prototipo bat eraikitzeko eta instalatzeko aukerak eszenatokirik aproposena eskaintzen du proiektua baliozkotzeko”.
Prototipo horrek altzairugintzan bertan sortutako zepa beltzetan oinarritutako biltegiratze termikoko sistema bat izango du. Ohe granularreko biltegiratze mota horri dagokionez, erronka garrantzitsuenetako bat da material solido horien iraunkortasuna bermatzea neke mekaniko eta termikoaren aurrean. Esparru horretan, AZTERLAN Metalurgia Ikerketarako Zentroak siderurgia-zeparen epe luzeko egonkortasun mekanikoa ebaluatuko du, eta hondakin horiek karakterizazio aurreratua izango dute, hala nola karga axial aldakorreko zikloak eta beroketa-/hozte-zikloak. Bitarteko hauekin hondakin honen errendimendua baliozkotuko da biltegiratze termikoko material gisa. Horri esker, lantaldea ziur agertu da “ez dugula soilik industria siderurgikoaren kudeaketa energetikoa hobetuko, baizik eta beste arlo batzuetan ere lagunduko dugula, hala nola azpiproduktu solido bat balioztatzen”.
Osagarri gisa, HI4S proiektuak tenperatura handiko iragazketa-sistema bat eraiki eta baliozkotu nahi du, bero-trukagailuak oztopatzeko ohiko arazoak saihesteko eta lotutako isurien kostuak murrizteko. Era berean, hondakin-beroa berrerabiltzeko sistema malgu, errentagarri eta jasangarri bat garatu nahi da, hainbat funtzionamendu-modu ahalbidetuko dituena eta altzairugintzan urtean 37,5 GWh inguru aurreztuko dituena.
ldo horretan, HI4S proiektuak ingurumen-inpaktu nabarmenak sortzea aurreikusten du, hala nola altzairugintzako CO2 isuriak urtean 9 Tm murriztea (siderurgiako isuri guztien %6), edo azpiproduktuak, zepa beltza, urtean 560.000 tona gutxitzea (EBn sortutako guztiaren %10-15). Ondorioz, energia-kontsumoa murrizteak urtean 200 m €aurreztuko lituzke isuriei dagokienez, eta berreskuratutako energiak (37,5 GWh/urte) arku elektrikoko labearen kontsumo elektrikoa %4,9 aurreztea ekar lezake.
HI4S proiektuak (Heat It yourself For Sustainability) Europar Batasunaren 1,5 milioi euroko finantzaketa du, Ingurumena eta Klimaren aldeko Ekintzarako LIFE programaren bidez. Proiektuak CIC Energigune du buru eta AZTERLAN Ikerketa Metalurgikorako Zentroaz gain, beste 5 bazkidek ere parte hartzen dute: ArcelorMittal, Fivemasa, Enerbasque, Life Cycle Engineering-LCE eta SDEA Solutions.
AZTERLANen instalazioetan neke axial aldakorreko saiakuntza (ezkerra) eta altzairugintzako zepa beltzak (eskuina).
AZTERLANeko taldeak zepa siderurgikoaren egonkortasun mekanikoa ebaluatuko du, luzera begira biltegiratze termikoko material gisa duen errendimendua baliozkotzeko.
