20 profesional baino gehiagok jaso dute formazioa IK4-AZTERLANen material metalikoen tentsio entseguak ISO 6892-1 arauaren arabera egiteko

Formazio saioaren atal praktikoa Metalurgia Ikerketa Zentroaren ezaugarri fisikoen eta mekanikoen laboratorioan egin da, ZwickRoell Espainia enpresaren eskutik.

ISO 6892-1 arauak Material Metalikoen Tentsio Entseguak egiteko metodologia zehazten du, inguru tenperaturan. Entseguan probeta tenkatu egiten da, normalean, apurtu arte. Honen helburua da metalaren ezaugarri mekanikoak zehaztea alor desberdinetan, hala nola, limite elastiko proportzionala (Rp), trakzioari erresistentzia (Rm), haustura osteko luzapena (A) edota elastikotasun modulua (E).

Arau honen eta bere aplikazioaren inguruko ezagutza hobetzeko, otsailaren 27an formazio espezifikoa egin da IK4-AZTERLAN zentro teknologikoan, non arauaren alderdi teorikoenak errepasatu ostean, sesio praktikoa egin den ezaugarri fisikoen eta mekanikoen laboratorioetan. ZwickRoell Espainia enpresaren laguntzarekin egin den formazioan 21 teknikari eta aditu bildu dira.

IK4-AZTERLAN Ikerketa Metalurgikorako Zentroak ENAC eta Nadcap akreditazioak dauzka UNE-EN ISO 6892-1 / ASTM E8/E8M (inguru tenperaturan). Horrrez gain, ENAC akreditazioa dauka UNE-EN ISO 6892-2 / ASTM E21 (tenperatura altuan) arauen araberako entseguak burutzeko eta tenperatura baxuan, azkartasun txikian eta ingurumen korrosiboan tentsio entseguak burutzeko gaitasunak dauzka.

IK4-AZTERLANen egindako tentsio entseguei buruzkio formazio saioko bi momentu